Ish-kryeministri dhe deputeti i Lidhjes Demokratike të Kosovës, Avdullah Hoti, e ka kritikuar qeverisjen e kryeministrit Albin Kurti.
Hoti, përmes një shkrimi në Facebok ka thënë se është dëmi i madh për vendin që të vazhdojë me këtë qeveri në krye.
Sipas tij edhe në kohën e pandemisë është punuar më shumë në projekte sesa gjatë këtij viti qeverisës.
“I kanë bllokuar investimet kapitale në gjithë Kosovën, të cilat kurrë nuk kanë qenë më të ulëta. Edhe në kohën e pandemisë është punuar më shumë në projekte në gjithë Kosovën. I kanë palosur mbi 700 milionë euro në llogari bankare të Qeverisë. E tash marrin kredi 47 milionë euro për ndihma sociale, prej të cilave 15 milionë janë për pagesat e bëra për ndihma sociale për janar, shkurt dhe mars 2021, kur ka qenë pandemia, të cilat pagesa po bëhen gati dy vite që janë kryer”, ka shkruar Hoti.
“Edhe kanë fytyrë të kërkojnë votat e opozitës për ratifikimin e kredisë në Kuvend. Ky është dështim total. Është dëm i madh për vendin çdo ditë që kjo klasë politike e paaftë dhe e mbrapshtë mbetet në qeverisje. Është e pafalshme të lejohet edhe më tutje kjo lloj qeverisjeje”, përfundon ish-kryeministri./arbresh.info/
Progres-raporti për Serbinë: Beogradi nuk ka avancuar në neg...
Rebelët Houthi sulmojnë 3 anije në Detin e Kuq dhe Arabik
Vini pasi nuk e fitoi Topin e Artë: Do ta bëj edhe 10 herë t...
“Duhet me të ardh marre”, Drenusha e Rovena përplasen edhe n...
Rodri flet për herë të parë pasi fitoi Topin e Artë
Një nga problemet më të mëdha të veturave elektrike do të zg...